Imkoniyatlar

Kiyim do'koni muammolariga aniq yechimlar

Har bir bo'limda: muammo, FashionPOS uni qanday hal qiladi va do'kon hayotidan misol.

Kiyim do'koni uchun nimasi boshqacha

Oddiy kassa dasturlarida bo'lmaydigan, kiyim savdosidan kelib chiqqan imkoniyatlar.

Kabina uchun kechiktirilgan chekMijoz kiyib ko'rguncha navbat to'xtamaydi.Internetsiz to'liq ishlaydiSotuv, smena va hisobot internet qaytguncha kutmaydi.Telefonlar bilan inventarizatsiyaBir nechta xodim bir vaqtda sanaydi, do'kon yopilmaydi.Nuqsonli tovar sotuvga qaytmaydiBrak alohida turadi va tasdiq bilan hisobdan chiqadi.Oklad + KPI avtomatikHar sotuvchining savdosi va oyligi o'zi hisoblanadi.

Kassa

«Mijoz kabinada, navbat esa o'sib boryapti»

Mijoz kiyim o'lchab ko'rguncha kassa band turadi, orqadagilar kutib, ketib qoladi.

FashionPOS bilan

  • Chekni bir tugma bilan kutishga qoldirasiz
  • Keyingi mijozga darhol xizmat qilasiz
  • Kutayotgan cheklar tepada tab bo'lib turadi va bir bosishda tiklanadi
Misol«2-kabinada kiyib ko'ryapti» deb chekni qoldirasiz, ikki mijozni urib bo'lasiz, u chiqqach chekni tiklaysiz.

Rang va o'lcham

«Shuning M razmeri bormi?» deb omborga yugurish

Sotuvchi omborga ketadi yoki «yo'q» deb sotuvni yo'qotadi.

FashionPOS bilan

  • Tovarni tanlaganda rang va o'lcham jadvali ochiladi
  • Har katakda ombordagi soni yozilgan
  • Har bir rang va o'lchamning o'z shtrix-kodi bor
MisolKassir ekranga qarab: «qora M yo'q, lekin ko'k M dan 3 ta bor» deydi.

Internetsiz

«Internet uzildi, savdo to'xtadi»

Ko'p dasturlar internetsiz ishlamaydi, internet esa eng gavjum paytda ham uzilishi mumkin.

FashionPOS bilan

  • Kassa internetsiz sotadi, smena ochadi va yopadi
  • Internet qaytganda hammasi o'zi yuboriladi
  • Bir nechta kassada ham chek raqamlari to'qnashmaydi
MisolShanba kuni ikki soat internet yo'q edi: kassa to'xtamadi, kechqurun hisobot to'liq chiqdi.

Smena va naqd

«Kun oxirida kassada pul yetishmaydi»

Naqd kam chiqadi, lekin qachon va kim tufayli yo'qolgani noaniq.

FashionPOS bilan

  • Smena yopilganda kassada qancha naqd bo'lishi kerakligi hisoblanadi
  • Kassir sanagan pulni kiritadi: kamomad yoki ortiqcha aniq chiqadi
  • Har bir chiqim (inkassatsiya, xarajat) sababi bilan yoziladi
Misol«Smena 12.10: kutilgan 4 250 000, sanalgan 4 200 000, kamomad 50 000, kassir Dilnoza.»

Inventarizatsiya

«Tovar kamayib boryapti, sababi noma'lum»

Inventarizatsiya ikki kun davom etadi, do'kon yopiladi, natijaga esa ishonib bo'lmaydi.

FashionPOS bilan

  • Bir nechta xodim o'z telefoni kamerasi bilan bitta hujjatga skanerlaydi
  • Sanash paytida sotilgan tovar hisobni buzmaydi: do'konni yopish shart emas
  • Kamomad va ortiqcha so'mda ko'rinadi
MisolBir kishi vitrinani, boshqasi omborni sanaydi: bir soatda tugaydi, «kamomad: 7 dona, 1 240 000 so'm».

Qaytarish va almashtirish

«Kiyim qaytarildi, nuqsonli tovar yana sotuvga tushdi»

Almashtirishda farqni hisoblash chalkash, nuqsonli tovar omborga qaytib, keyingi mijozga sotiladi.

FashionPOS bilan

  • Almashtirishda farqni dastur o'zi hisoblaydi
  • Nuqsonli tovar sotuvga qaytmaydi: hisobdan chiqariladi yoki ta'minotchiga qaytariladi
  • Hisobdan chiqarishni Admin yoki Menejer tasdiqlaydi, qaytarish muddati nazoratda
MisolMijoz L ni M ga almashtiradi: farq 0, bitta hujjatda. Yirtilgan ko'ylak ta'minotchiga qaytadi va qarzimiz 180 000 ga kamayadi.

Nasiya daftari

«Daftar yo'qoldi, kim qancha qarzligi esda yo'q»

Qog'ozdagi qarzlar unutiladi, ba'zi mijozlar hech qachon to'lamaydi.

FashionPOS bilan

  • Har bir nasiya chek mijozga bog'lanadi va to'lash muddati qo'yiladi
  • Muddati o'tganlar alohida ko'rinadi
  • Mijozga qarz limiti qo'yasiz: limitdan oshsa kassa ogohlantiradi
Misol«Sardor K.: 3 ta chek, 1 450 000 so'm, 12 kun kechikdi, limit 2 000 000.»

Oylik va KPI

«Yaxshi sotuvchini qanday rag'batlantirish kerak?»

Hamma bir xil oylik oladi, yaxshi sotuvchi rag'bat ko'rmaydi, oylikni Excelda hisoblash esa vaqt oladi.

FashionPOS bilan

  • Har bir xodimga oklad va sof savdodan KPI foizi beriladi
  • Chekdagi sotuvchiga savdo o'zi yoziladi, qaytarishlar ayriladi
  • Avans va balans dasturda yuritiladi
Misol«Madina: oklad 3 000 000 + KPI 3% × 42 000 000 = 4 260 000. Avans 1 000 000, to'lanishi kerak 3 260 000.»

Telegram bot

«Do'kondan uzoqdaman, lekin nima bo'layotganini bilmoqchiman»

Egasi har kuni do'konga kelib, kassani tekshirishi kerak bo'ladi.

FashionPOS bilan

  • Sotuv, qaytarish va smena haqida xabarlar
  • Har kecha kunlik hisobot va Excel fayl
  • Tugmalar: bugun, hafta, oy, kam qolgan tovarlar, nasiyalar
MisolEgasi uyda. Soat 21:00 da xabar keladi: «Bugun: 38 chek, 9 870 000 so'm, foyda 2 450 000».

Yangi kolleksiya

«Yangi kolleksiya keldi: 300 ta tovarni kiritish kerak»

Har bir rang va o'lchamni qo'lda kiritish va yorliq yopishtirish kunlar oladi.

FashionPOS bilan

  • Ta'minotchining Excel faylini yuklaysiz va ustunlarni belgilaysiz
  • Xatolar oldindan ko'rsatiladi, shtrix-kodlar o'zi yaratiladi
  • Ustama foizi bo'yicha sotuv narxi hisoblanadi, etiketkalar darhol chop etiladi
Misol300 qatorlik fayl 10 daqiqada kiradi, etiketkalar printerdan chiqib keladi.

Xavfsizlik

«Xodim boshqa birovning nomidan ishlayapti»

Kassir admin hisobida ochiq qolgan kompyuterda chegirma beradi yoki chekni o'chiradi.

FashionPOS bilan

  • To'rtta rol: Admin, Menejer, Kassir, Sotuvchi, har birining o'z huquqi
  • Harakatsiz qolganda kassa o'zi qulflanadi
  • Yangi telefon yoki kompyuter admin ruxsatisiz ishlamaydi
MisolAdmin chiqishni unutdi: 5 daqiqadan keyin kassa qulflandi, keyingi xodim faqat o'z huquqi bilan kirdi.

Zaxira va yangilanish

«Kompyuter buzilsa, hamma ma'lumot yo'qoladi»

Yillik savdo, qarzlar va tovarlar bitta kompyuterda turadi.

FashionPOS bilan

  • Har kuni va har smena yopilganda avtomatik zaxira nusxa
  • Baza ham, mahsulot rasmlari ham saqlanadi
  • Dastur o'zi yangilanadi, xato bo'lsa oldingi versiyaga qaytadi
MisolKompyuter almashtirildi: kechagi nusxadan tiklandi, savdo o'sha kuni davom etdi.

Ekranlar dastur oynalarining soddalashtirilgan ko'rinishi. Ismlar va raqamlar namunaviy.

Qanday boshlanadi

Tanishuv

Do'koningiz haqida gaplashamiz va dasturni ko'rsatamiz.

Tovarlarni yuklash

Mahsulotlarni Excel'dan yuklaymiz, printer va skanerni ulaymiz.

O'rgatish

Kassir va menejerlarni o'rgatamiz, birinchi kunlarda yoningizda bo'lamiz.

Demo so'rang

Bu imkoniyatlarni o'z do'koningiz misolida ko'rsatamiz.

Tez oradaApp Store
Demo so'rashTariflar